Edhe Bilinica e Haxhaj themeluan këshillat e tyre

/2L ONLINE/ – Edhe fshatrat, Bilinicë e Haxhaj, të komunës së Gjilanit kanë themeluar këshillat e fshatrave, aktivitet ky i realizuar në bashkëpunim me OJQ-në “Agro-Eko”. Në Bilinicë, kryetar është zgjedhur Avni Haliti, përderisa në Haxhaj, Abedin Dauti.
Kryetari i Komisionit, Avdyl Aliu, gjatë fjalës së tij, vuri në pah rolin dhe rëndësinë e formimit të këtyre këshillave në funksion të avansimit të shërbimeve të Komunës ndaj komunitetit.

Ai tha se këto mekanizma do të shërbejnë në të ardhmen si urë lidhëse e fshatrave me Komunën e Gjilanit kur është në pyetje realizimi i projekteve dhe donacioneve .

Komisioni Komunal dhe “Agro-Eko” e kanë vlerësuar lartë gatishmërinë e pjesëmarrjes së qytetarëve të këtyre lokaliteteve në këto procese zgjedhore. /2L ONLINE/