Edhe banorët e lagjes “Rruga e Prishtinës” propozojnë projektet që dëshirojnë në kuadër të “Buxhetimit me Pjesëmarrje”

Komuna e Gjilanit ka vazhduar me takimin e radhës me dëgjimet publike në kuadër të aktivitetit ku po diskutohet rëndësia e përfshirjes së qytetarëve në planifikim dhe vendimmarrje, përmes “Buxhetimit me Pjesëmarrje”, dhe ky takim u mbajtë me banorët e lagjes “Rruga e Prishtinës”.

“Në klasën verore të sapondërtuar pranë shkollës “Sadulla Brestovci”, drejtorët e drejtorive komunale diskutuan me banorët e lagjes “Rruga e Prishtinës” për rëndësinë e përfshirjes së qytetarëve në planifikim dhe vendimmarrje, përmes Buxhetimit me Pjesëmarrje”, thuhet në njoftimin e komunës, për tu bërë të ditur edhe propozimet për projekte nga banorët e “Rrugës së Prishtinës” për fazën e dytë të votimit e që  janë:

1. Parkingu

2. Parku i lodrave për fëmijë

3. Fusha e basketbollit

“Më 29 maj do të ketë edhe një takim me këta banorë të kësaj lagjeje ku do të zhvillohet procesi i  votimit për t’u përcaktuar projekti i lagjes nga këto projekte të propozuara.  /2LONLINE/