E treta e vërteta!

E treta e vërteta, Gjilani fiton bindshëm ndaj Prishtinës.

Java e tretë e Superligës së Kosovës në futboll ka qenë e frytshme për skuadrën “kuq e bardh” të Gjilanit, e cila përveç që gjeti fitoren e parë në këtë stinor, gjeti edhe lojën e duhur.

Hiq 15 minutat e pjesëlojës së dytë, në pjesën tjetër të ballafaqimit. Gjilani dominoi në fushën e blertë dhe me meritë shënoi fitore bindëse 3:1 dhe arkëtoi tri pikë me plotë meritë.

Gjilani në dy xhirot e para të këtij fillim stinori, pati një barazim e një humbje dhe java e tretë ishte testi më i mirë, për rikthim kah fitorja, kah rezultati pozitiv dhe këtë edhe e arriti.

Në kërkim të fitores së parë, skuadra që drejtohet nga kryetrajneri Ardian Nuhiu e nisi furishëm takimin dhe kjo dha fryt pasi qysh në minutë ne 6-të erdhi goli i parë, i avantazhit, nga Basha e pesë minuta më vonë erdhi edhe goli i dytë, përmes Jaroviqit, i cili ishte i saktë nga pika e bardhë.

Me rezultatin prej 2:0, edhe u përmbyll pjesë loja e parë.

Në fillimin e pjesëlojës së dytë, përkatësisht në 20 minutat e para, Gjilani nuk ishte ai i pjesëlojës së parë, dhe kjo rënie e Gjilanit u shfrytëzua nga mysafirët prej kryeqendre të cilët shënuan përmes Blend Baftiut për ta ngushtuar rezultatin.

Por Gjilani sërish gjeti vetën, lojën e 45 minutave të para dhe filloi ta rrezikojë sërish portën kundërshtare dhe kjo dha rezultat në minuta shtesë (90’+5’), kur me një gjuajtje mjeshtërore Armend Thaqi shënoi nga goditja e lirë, për rezultatin 3:1, që doli të jetë edhe rezultati final i këtij takimi.

Kështu, Gjilani regjistroi fitoren e parë nga këto tri xhirot e para të stinorit dhe tani ka 4 pikë, por edhe sinjalizoi se është skuadre serioze  me pretendime të qarta e të larta në këtë kampionat. /2LONLINE/