E pabesueshme, por e vërtetë, Muriqi në radarin e gjigantit anglez

Pas disa golave të shënuar në ndeshjet e para të Superligës së Turqisë, Muriqi ishte vendimtar edhe te Kosova. Muriqi shënoi një gol në fitoren 2-1 ndaj Republikës Çeke dhe dy asistime dhe një gol ndaj Kombëtares së Anglisë.

Vedat Muriqi ka përfunduar në radarin e gjigantit anglez, Manchester Unitedi.

Sipas mediumit të njohur turk Fanatik, Muriqi u përcoll nga afër nga skautët e Unitedit në ndeshjen e zhvilluar në St Mary’s të Southamptonit.

Ky medium raporton se ishte Kristo Kilibarda, ai i cili ndoqi nga afër Muriqin dhe dha raporte pozitive tek drejtuesit e Unitedit. Nëse Muriqi vazhdon me super-formë, Djajtë e Kuq mund të bëjnë ofertë në afatin e janarit, por më shumë ka të ngjarë të tentojnë transferimin gjatë verës.

Skauti Kilibarda pritet ta ndjek Muriqin edhe të hënën në ndeshjen që Fenerbahce e zhvillon ndaj Alanyasporit.

Përveç Unitedit, interesim për yllin e Kosovës kanë shprehur edhe Tottenham Hotspur, Atletico Madridi dhe Lazio, ndërsa klubi turk kërkon 50 milionë euro për shërbimet e tij.