Dymbëdhjetë kursantë kanë përfunduan me sukses Kursin e Komunikimit Niveli 2

“Dymbëdhjetë kursantë kanë përfunduan me sukses Kursin e Komunikimit Niveli 2,  ku kursantët fituan njohuri dhe aftësi të avancuara në konfigurimin, instalimin, programimin dhe funksionalizimin e sistemeve të komunikimit Harris”, njofton Forca e Sigurisë së Kosovës (FSK).

Gjatë kursit, pjesëmarrësit u trajnuan në përdorimin e sistemeve moderne të komunikimit ushtarak, të cilat mundësojnë komunikim të sigurt, të besueshëm dhe efektiv në operacione, ushtrime dhe aktivitete të ndryshme taktike. Sistemet Harris përdoren gjerësisht nga forcat e armatosura të vendeve partnere dhe kontribuojnë në ndërveprueshmërinë ndërmjet njësive dhe partnerëve ndërkombëtarë.

Realizimi i këtij kursi kontribuon në ngritjen e kapaciteteve profesionale të personelit të komunikimit dhe në forcimin e aftësive operacionale të Forcës së Sigurisë së Kosovës, duke siguruar mbështetje efektive të komandimit dhe kontrollit në të gjitha nivelet e operacioneve, thuhet në fund të njoftimit.  /2LONLINE/