Dy zyrtarët policorë nga Komuna e Kamenicës dalin negative pas testimeve për COVID-19

Testet e dy zyrtarëve policorë për virusin SARS-CoV-2 nga Komuna e Kamenicës kanë dal negative.

Kryetari i Komunës së Kamenicës, Qëndron Kastrati tha se ky është një lajm i mirë dhe se presim lajme të mira edhe për mostrat tjera të marra.

“Testet e dy zyrtarëve policorë për virusin Covid-19, kanë rezultuar negativ. Presim lajme të mira për të gjitha mostrat e marra”, tha ai.

Gjithashtu edhe Instituti Kombëtar i Shëndetit Publik ka njoftuar se gjatë ditës së sotme janë shëruar edhe gjashtë pacientë të tjerë.

Ndërkaq sot numri i përgjithshëm i të shëruarve ka arritur në gjashtëmbëdhjetë persona.