Dy serb të arrestuar me urdhëresë të Gjykatës

(2L ONLINE) – Autoritetet policore të Kosovës kanë bërë me dije se në dy raste të ndara në Rajonin e Gjilanit, janë arrestuar dy të dyshuar, serb, për të cilët ka pas të lëshuar urdhëresë nga Gjykata. Të njëjtit pasi janë kapur nga policia janë dërguar n vuajtje të dënimit.

Përndryshe në rastin e parë bëhet fjalë për arrestimin e personit të kërkuar në fshatin Pasjan të Parteshit. Në bazë të urdhëresës së lëshuar nga Gjykata Themelore në Gjilan është arrestuar i dyshuari mashkull Kosovar-Serb dhe i njëjti dërgohet në vuajtje të dënimit.

Ndërsa në rastin tjetër bëhet fjalë për arrestimin që ka ndodhur në rrugën “Adem Jashari”, në Gjilan. Në bazë të urdhëresës së lëshuar nga gjykata është arrestuar i dyshuari mashkull Kosovar-Serb dhe i njëjti dërgohet në vuajtje të dënimit, thuhet n raportin e policisë. /2L ONLINE/