Dy persona nga Lugina kapen me 15 kilogram drogë

Policia e kriminalitetit ka konfiskuar mbi 15 kilogramë të narkotikëve të njohur si “skank” dhe për këtë rast ka arrestuar dy të ndaluarit D.S. (35) nga Presheva dhe LJ.S. (52) nga rrethina e Bujanocit.

Siç ka njoftuar sot policia e Kragujevcit, drogën të cilën po e transportonin personat e arrestuar është gjtur në makinën e markës “Opel Vectra” me targa zvicerane, transmeton Titulli.

D.S. dhe LJ.S. janë arrestuar në rrethinën e komunës Batoçina dhe me këtë rast i është caktuar masa e mbajtjes prej 48 orëve.

Policia është duke dyshuar se D.S nga Presheva ka angazhuar me 500 euro Lj.S.  që me veturën e tij nga Bujanoci të transportojë drogën “skank” dristributerëve të narkotikëve në rrethinën e Shumadisë.