Dy oficerë diplomojnë në Turqi

Nëntogerët Arian Syla dhe Elhami Hazimi pas një viti studimesh në Shkollën Trajnuese “Maltepe” në Izmir të Turqisë, e cila është në kuadër të Akademisë Ushtarake me komandë në Ankara, kanë përfunduar me sukses programin e shkollimit për kalim nga nënoficer në oficer dhe kanë marrë gradën e nëntogerit.

Shkollimi përfshinë përgatitjet bazike, akademike dhe praktike për të shërbyer si oficer në ushtri. Shkollimi është mundësuar në bazë të marrëveshjes bilaterale që ka Forca e Sigurisë së Kosovës me Republikën e Turqisë.

Në ceremoninë përmbyllëse pjesëmarrëse nga Kosova ishte Atasheu Ushtarak i Kosovës në Turqi, Nënkolonel Meriman Suka që ka përgëzuar nëntogerët për suksesin e treguar. /2LONLINE/