Dy motrat Murseli nga Gjilani diplomojnë në universitetin “Yale University” në SHBA

“Një ditë historike për Gjilanin dhe mbarë kombin shqiptar! Dy bijat e qytetit tonë, Edona dhe Anisa Murseli, shkëlqyen në skenën ndërkombëtare të dijes duke u diplomuar në Yale University, një nga institucionet më të njohura akademike”, ka shkruar në profilin e tij, Arbër Ismajli, nënkryetar i LDK-së së Gjilanit.  

Ismajli ka thënë se Edona me titull Master ndërsa Anisa me Bachelor, arritje që flet me gjuhën e përkushtimit, mençurisë dhe sakrificës.

“Krenaria jonë rritet kur e dimë se janë bijat e profesorit të nderuar Zijadin Murseli, një simbol i dijes dhe edukimit. Ky sukses nuk është vetëm personal i tyre, por është një gurthemeli për vetëbesimin e rinisë sonë për zhvillim dhe arritje shkencore”, ka thënë Arbër Ismajli.  /2LONLINE/