Dy aksidente me fatalitet në 24 orët e fundit

Referuar statistikave të përgjithshme të Policisë së Kosovës, brenda 24 orëve të fundit, në tërë territorin e vendit, kanë ndodhur 85 aksidente trafiku, prej të cilave, 2 me fatalitet, 27 me të lënduar dhe 56 aksidente me dëme materiale, por pa të lënduar.

Ndërsa, brenda kësaj periudhe kohore Policia e Kosovës ka shqiptuar 1 mijë e 914 tiketa trafiku për drejtues automjetesh, për shkelje të rregullave në komunikacion.

Kështu bëhet e ditur në raportin 24 orësh të Policisë së Kosovës, transmeton Portali 2LONLINE.com.

Përndryshe, brenda ditës janë arrestuar edhe 16 persona, 13 prej tyre janë dërguar në mbajtje dhe 2 janë dërguar në vuajtje të dënimit. /2LONLINE/

AKSIDENT TRAFIKU ME FATALITET

Bukosh, Suharekë  15.08.2026 – 07:35. Është shkaktuar një aksident trafiku në mes të dy automjeteve. Si pasojë e aksidentit viktima f/k ka ndërruar jetë. Me vendim të prokurorit trupi i pa jetë  është dërguar në IML , ndërsa i dyshuari është arrestuar dhe është dërguar në mbajtje.

AKSIDENT TRAFIKU ME FATALITET

Mleqan, Malishevë  15.08.2026 – 14:05. Ka ndodhë një aksident trafiku ku i dyshuari mashkull me veturën e tij ka goditur një këmbësor m/k. Si pasojë e aksidentit këmbësori ka ndërruar jetë. Me vendim të prokurorit trupi i pa jetë është dërguar në IML për obduksion, ndërsa i dyshuari është arrestuar dhe me vendim të prokurorit është dërguar në mbajtje.