(2L ONLINE) – Mediat, analistët, opinionistët, shoqëria civile, partitë politike, duhet të ndryshojnë diskursin karshi Gjykatës Kushtetuese. E kuptueshme është që asnjëherë Gjykata, nuk mund të marrë vendime që i shkojnë për shtati secilit. E rëndësishme është të interpretohet saktë kushtetuta, sepse tek e fundit ligji është ligj, e nuk është opinion e analizë që mund të ndryshohet e interpretohet sipas dëshirës.
Shkruna: Drilon MILAZIMI
Pasioni i madh për pushtet, tani gradualisht është duke u shndërruar në ankth për disa liderë që iu kanë vërsulur me çdo kusht kolltukut shtetëror. Euforia, presioni, urrejtja e kërcënimet verbale; direkte e indirekte tanimë kanë filluar të dalin në sipërfaqe.
Jo vetëm që po krijojnë barriera e ngërçe politike e shtetërore, mirëpo tani nuk po i lejojnë mekanizmat shtetëror të merren me këto probleme. Njëherë me kokë lartë besonin në institucionet e pavarura dhe kompetente për këto çështje, tani edhe direkt edhe nëpërmjet instrumenteve të tyre siç janë; mediat, analistët, opinionistët po bëjnë presion për punët që aspak nuk ju takojnë atyre.
Kur të shkelen procedurat, rregullat, ligjet – asnjëherë mos pritë diçka në favor tëndin. Tregoni edhe me qëndrim e me durim që jeni demokratë ashtu qysh jeni deklarativisht përherë. Durim edhe pak deri sa ta thotë fjalën e fundit Gjykata.
Ndaleni vetën tuaj, edhe pse nga pak edhe ne qytetarët po ju kuptojmë, sepse edhe një mandat në opozitë është vështirë të përballohet elektoralisht nga partitë tuaja. /2L ONLINE/