Duhani, më i rrezikshëm në mot të ftoftë

Specialistët mendojnë se pirja e cigares në mot të ftohtë është më e dëmshme dhe më e rrezikshme. Kur është ftohtë njerëzit e thithin më shumë cigaren për të ngrohur veten, edhe si numër pinë më shumë. Cigarja bëhet më e rrezikshme si rrjedhojë e thithjes më të fortë. Të gjithë i njohim tashmë sëmundjet e shkaktuara nga cigarja.

Ajo ndikon në shfaqjen e të gjithë llojeve të kancerit duke filluar nga ai i mushkërive. Ajo ndikon jo vetëm në shfaqjen e kancerit të mushkërive por edhe në avancimin e tij, raporton zeri.info.

Rrit më shumë rrezikun e prekjes nga kanceri të organeve tjera, nxit sëmundjet e zemrës dhe enëve të gjakut. Pra, kanceri më i përhapur në mesin e llojeve të tjera të kancerit është ai i mushkërive.

Zakonisht meshkujt prekeshin nga kanceri i mushkërive dhe femrat nga ai i gjirit por tani vihet re edhe një rritje në rastet e kancerit në mushkëri tek femrat. E gjitha lidhet me konsumin e cigares.

Sigurisht që me rritjen e numrit të duhanpirëseve janë shtuar dhe rastet e kancerit në mushkëri.

Andaj nëse nuk dëshironi që të keni probleme me shëndetin tuaj do të ishte mirë sa më parë ta lini duhanin dhe në këtë mënyrë e mbroni veten dhe të tjerët që gjenden përreth jush.