“Duam profesor Halitin” (foto)

/2L ONLINE/ – Jo vetëm në shkollën fillore “Thimi Mitko” ka telashe dhe ku kërkohet nga nxënësit mësimdhënësja t’u kthehet dhe t’u jep mësim duke mos pranuar mësuesen e re. Edhe në Zhegër të Gjilanit ka telashe të tilla ku kemi edhe bojkot mësimi pasi nxënësit duan t’u kthehet mësimdhënësi i mëparshëm e jo ai që del të jetë pranuar nga konkursi i fundit.

Halit Rrahmani nga Zhegra e Gjilanit, mësimdhënës i historisë në Gjimnazin Natyror “Xhavit Ahmeti” paralelja e ndare në Zhegër thotë se iu ka një padrejtësi e madhe ku në konkursin e nëntorit u pranua dikush tjetër, që ia pretendon se është bërë me njoftësi , ndërkohë që ai punon prej vitit 2013 aty duke mbajtur gjysmë norme. Ai thotë se edhe nxënësit janë në protestë prej të premtes dhe se janë në anën e tij.

Rrahmani, një i diplomuar që thotë të ketë pritur për punë që shtatë vite, e kishte gjetur atë më 2013 duke qenë në punë në Gjimnazin “Zenel Hajdini” në Gjilan dhe në Zhegër paralele të ndara të Gjimnazit, dhe se në konkursin e fundit iu ishte shpallur vendi i punës edhe për orët që i mbanë. Ai thotë t’i jetë nënshtruar konkursit për orët e historisë por në vend të tij është pranuar dikush tjetër, përkundër që ai ka përvojën trevjeçare por edhe përgatitej adekuate profesionale /profesor i historisë/,është edhe nga Zhegra ku ka pjesën dërmuese të orëve , dhe ka qenë i shpërblyer disa herë me mirënjohje edhe si punëtor i dalluar, ndërsa mirënjohje iu është dhënë edhe për guximin e treguar gjatë një ekskursioni në Shqipëri ku kishte shpëtuar një nxënësve nga huliganët, duke rrezikuar edhe jetën e tij.

Ai tregon edhe se Këshilli vendor i Zhegrës kishte ërkuar nga kreu i komunës së Gjilanit që me rasti ne pranimit në punë për plotësimin e 10 orëve mësimore në shkollën përkatëse të merret parasysh atij ti shtohen orët sepse i mbanë ato që tre vite, me arsyetimin se është nga Zhegra dhe ndikon pozitivisht në efikasitetin në punë, është profesor i kualifikuar, ka kryer funksione të ndryshme, tani është kujdestar klase, ka marr mirënjohje për punët e kryera dhe është i pranueshëm nga gjithë komuniteti. Përndryshe kërkesën e Këshillit vendor e kishin mbështetur edhe 50 prind të nxënësve të kësaj shkolle.

Po ashtu edhe nxënësit e klasës X-13 të Gjimnazit Natyror, “Xhavit Ahmeti”, paralelja në Zhegër, janë ankuar në adresë të të kreut të komunës Lutfi Haziri, duke shprehur indinjatë me largimin nga puna të profesorit Rrahmani , kujdestari i tyre, duke kërkuar zgjidhje, si kthimin e tij në vendin e punës , në të kundërtën ata kanë paralajmëruar protesta dhe bojkot të mësimit.

E është ankuar edhe kolektivi i këtij Gjimnazi, paralelja në Zhegër, që kërkojnë që kolegu i tyre Halit Rrahmani, profesor i historisë, të mos largohet nga procesi mësimor ku ka punuar që nga viti 2013. Ata kanë thënë se i bashkëngjiten ankesës së profesor Rrahmanit.

E një referencë për të e ka dhënë edhe përgjegjësi p paraleleve të ndara të gjimnazit në Zhegër, Bahri Kadriu, ku Rrahmani cilësohet si punëtor i dalluar, shumë i përpiktë në punë, me asnjë mungesë. Nxënësit e tij dallohen në mësim dhe disiplinë dhe aktivitete tjera.

Se cili do të jetë epilogu i këtij rasti dhe rasteve të tjera mbete të shihet në ditët në vijim. Protesta dhe bojkoti për këtë rast në Zhegër është paralajmëruar edhe për ditët në vijim. /2L ONLINE/