Drita transferon portierin maqedonas, Darko Tofiloski
Drita është përforcuar me portierin nga Prilep, Darko Tofiloski. Ish-kampionët e vendit kanë arritur marrëveshje me ‘gardianin’ 33 vjeçar ish – portier i Kombëtares së Maqedonisë.
Në fakt, Tofiloski është bashkuar nga dita e parë e përgatitjeve me Dritën, teksa tashmë ka nënshkruar për të qenë pjesë e ‘bardhekaltërve’ për një edicion.
Ai gjithashtu ishte pjesë e kampionatit sllovak te ekipet Dunajska Streda, Ruzomberok, Kosice dhe MFK Kosice, ndërkohë që për dy vite ishte pjesë e ekipit zvicerian FC Schaffhausen.
Deri më tani Drita ka afruar në rradhët e veta futbollistët: Ilir Blakçori, Hamdi Namani, Drilon Islami, Donat Hasanaj dhe Izair Emini
Nga ekipi janë larguar Arbër Shala, Përparim Osmani, Zgjim Mustafa, Filonit Shaqiri, Përparim Livoreka, Haxhi Neziraj, Endrit Krasniqi, Kyrian Nëabueze, Klajdi Burba, Festim Krasniqi dhe Mario Kirev.