Drita shkëlqen, regjistron fitoren e parë në fazën e grupeve të UEFA Conference League

FC Drita ka regjistruar fitoren e parë dhe tri pikët e plota, në fazën e grupeve të UEFA Conference League, pas mundi Shelbourne në Dublin.

Skuadra bardh e kaltër, në këtë fazë mbetet e pamposhtur, pasi ka dy barazime ndaj Omonia dhe KuPS, e tani erdhi edhe fitorja ndaj skuadrës nga Irlanda, duke bërë që skuadra gjilanase, kampionia e Kosovës, t’i grumbullojë pesë pikë dhe të pozicionohet në vendin e 13-të, pozitë kjo që do ta dërgonte Dritën në fazën tjetër, transmeton 2LONLINE.com.

Gjithsesi mbeten edhe tri takime t’i ketë Drita në këtë fazë. Kundërshtarët e saj të mëtutjeshëm do të jenë: Shkëndija (Maqedonia e Veriut), AZ Alkmaar (Holandë) dhe Rayo Vallecano (Spanjë). /2LONLINE/

UEFA Conference League!
Tallaght Stadium
Shelbourne FC -FC Drita 0:1.
Almir Ajzeraj, min 58.