Drita shënon fitore ndaj Vushtrrisë (3:1)

Skuadra gjilanase FC Drita e ka regjistruar fitoren e katërt radhazi, duke e mposhtur në xhiro  e javës së 12-të të Superligës, skuadrën e Vushtrrisë, edhe atë me rezultat 3:1.

Ishte futbollisti i skuadrës “bardh e kaltër”, Mike Arthur që e kaloi Dritën në epërsi në minutën e 19-të, derisa në minutën e 31-të, futbollisti francez, Kemelho Nguena shënoi për epërsinë e Dritës 2:0.

Vushtrria e ngushtoi epërsinë tri minuta para përfundimit të pjesës së parë, me golin që e shënoi Albion Shurdhiqi.

Fitorja e Dritës u  vulos në minutën e 75-të  kur Albert Dabiqaj shënoi për rezultatin përfundimtar,  3:1.

Tani skuadra e Dritës i ka 23 pikë, ndodhet në pozitë ne tretë por ka edhe një lojë më pak të zhvilluar. /2LONLINE/