Drita – Prishtina super ndeshje, pikët e arta vendimtare

Sot në kuadër të javës së 30-të të kampionatit Kosovar në futboll zhvillohet ndeshja derbi në mes rivalëve të vjetër, Kf.Drita dhe Kf.Prishtina.

Ndeshja që do të zhvillohet në Stadiumin e Qytetit në Gjilan fillon në ora 16:00 dhe ka peshën jashtëzakonisht të madhe, sidomos për Prishtinën e cila po lufton për titull.

Tri pikët apo edhe një pikë ndaj kampionit në fuqi Dritës, do t’i siguronin Prishtinës biletë në garën për pozitën e parë, aty ku është Feronikeli dhe për të cilën po lufton ngusht edhe Llapi.

Tifo grupi i zëshëm “Intelektualët” e Dritës janë mobilizuar përgjatë tërë javës, ndërsa janë këmbëngulës në fitore ndaj Prishtinës, rivalitet i kultivuar ndër vite.

Drita është stabile në pozitën e katërt dhe është jashtë objektivit, por sfida me Prishtinën vazhdon të ketë peshën e saj pavarësisht synimeve.

Në anën tjetër, ‘Intelektualët’ në anën tjetër së fundmi kanë publikuar një video nga ndeshja finale mes Kv.Dritës dhe Kv. M- technologie ku shfaqet atmosfera dhe koreografia unike e realizuar për këtë përballje.

Prandaj, ata gjithmonë janë të bashkuar e të vendosur për të krijuar spektakël, por atmosfera e fundit që po flitet në gjithë vendin duhet të jetë inspiruese për ta përsëritur këtë përkrahje massive edhe sot në futboll.