Drita pëson humbjen e dytë, në këto katër xhiro akoma pa fitore!

Drita ka pësuar në fushën e saj nga Drenica, duke bërë që në katër xhiro të luajtura deri më tani të këtij stinori të edicionit të ri, në Superligën e Kosovës në futboll, të mbetet pa e shijuar akoma fitoren.

Drita, kampione aktuale dhe që tashmë ka siguruar pjesëmarrjen në garën e mëtejme në Ligën e Konferencës, dhe që po cilësohet superskuadër, me lojtarë cilësor brenda saj, nuk po arrin ta gjej rrugën e fitores në ndeshjet e Superligës.

Edhe ndeshjen e sotme Drita e humbi nga Drenica. Ishte kjo ndeshje e javës së dytë, por që ishte shtyrë për shkak të angazhimeve të skuadrës gjilanas në garat evropiane.

Drita – Drenica 0:1. Golin e vetëm të takimit e shënoi Altin Vojvoda (40’).

Kështu, Drita, skuadër e drejtuar nga trajneri Zekrija Ramadani,nga këto katër javë ka të grumbulluara  vetëm 2 pikë, nga barazimet me Prishtinën dhe Llapin, derisa ka pësuar nga Ferizaj dhe Drenica (sot).

Drita sfidën tjetër e ka me 21 shtator, kundër skuadrës Prishtina e Re, që e zhvillon në shtëpi. /2LONLINE/