Drita nuk shfrytëzoi epërsinë numerike, vetëm barazim me Ballkanin

FC Drita nuk ia ka arritur të gjej rrugën e fitoren në ballafaqim me Ballkanin, përkundër që kishte epërsi numerike në fushë, sepse dy futbollistë të skuadrës vendëse u ndëshkuan me karton të kuq. I pari në minutën e 21-të të takimit dhe i dytë pothuajse në fund të ndeshjes (minuta e 88-të).

Kështu, ndeshja e javës së 33-të, e Superligës së Kosovës në futboll, në mes të Ballkanit dhe Dritës përfundoi me rezultat 1:1. Golin për vendësit e shënoi  Sunday Adetunji derisa barazoi Besnik Krasniqi.

Drita pas këtij barazimi arrin në kuotën e 70 pikëve dhe siç dihet matematikisht veçse është kampion i këtij edicioni, ndërkohë që kanë mbetur edhe tri xhiro pa u zhvilluar. /2LONLINE/