Drita në Klinë merr një barazim ndaj Dukagjinit

Albi Mall Superliga e Kosovës  ka vazhduar sot me takimet e javës së 16-të ku veçojmë ndeshjen në Klinë në mes të Dukagjinit dhe Dritës e cila u mbyll me rezultat të barabartë 1:1.

Ashtu siç kishin paralajmëruar drejtuesit e klubit “bardh e kaltër” nga Gjilani, se ndeshja ndaj Dukagjinit do të ishte e vështirë, anise synimi ishte trepikëshi, ashtu edhe doli, pasi skuadra kampione e drejtuar nga Zekirija Ramadani, mori vetëm një barazim, edhe atë krejtësisht në fund të takimit për ta evituar humbjen.

Drita barazoi në fund të takimit, minutin e 90’+4, falë golit të Besnik Krasniqit, derisa për vendësit kishte shënuar Dienit Isufi në minutën e 53′.

Me këtë barazim, Drita bie në pozitën e pestë të tabelës së klasifikimit me 24 pikë, porse ka një ndeshje më pak të zhvilluar, atë me Prishtinën.

Përndryshe, kur jemi te skuadra tjetër gjilanase, SC Gjilani e luan ndeshjen e kësaj jave të dielën kundër Llapit.  /2LONLINE/