Drita në gjysmëfinale të Kupës së Kosovës

Gara e trofeut më të çmuar në Kosovë, Kupa e Kosovës, në volejboll është rikthyer me ndeshje interesante në këtë mesjavë.

Skuadra gjilanase e Volejbollit KV Drita (M) ka siguruar kualifikimin në gjysmëfinale të Kupës së Kosovës, pas një fitoreje bindëse ndaj KV Golden Eagle Theranda me rezultat të pastër 3-0.

Drejtuesit e ekipit gjilanas thanë se sonte ekipi i Dritës arriti një fitore shumë të rëndësishme ndaj KV Golden Eagle Theranda me rezultat të pastër 3-0 në sete.

Një paraqitje e shkëlqyer nga të gjithë lojtarët, me përkushtim maksimal dhe lojë ekipore në çdo pikë.

“Me këtë fitore bindëse, sigurojmë kalimin në gjysmëfinale të Kupës, duke vazhduar rrugëtimin tonë me shumë besim dhe motivim për sfidat që na presin”, thuhet në njoftimin e klubit gjilanas të volejbollit. /2LONLINE/