Drita ndalet në Llap

Java e 23-të e Superligës së Kosovës në futboll, nuk ishte javë për Dritën, e cila u ndal në Llap, duke pësuar humbje dhe ndërprerë kështu ecurinë e rezultateve pozitive. Gjithsesi  skuadra gjilanase vazhdon të jetë liderë e tabelës së klasifikimit, me pikë dallim +10 pikë nga ndjekësi, Ballkani, i cili është i dyti në tabelë, e në këtë javë arriti vetëm të barazoi me Prishtinën.

Pra, ndeshja Llapi – Drita 1:0, ishte epilogu final i këtij takimi. Golin e vetëm e shënoi Ardit Tahiri (ish lojtari i Dritës), në minutën e 17-të, të takimit.

Kështu, skuadra bardh e kaltër e drejtuar nga Zekirija Ramadani u ndal në Llap dhe mbeti duarthatë, ndonëse pretendimet i kishte për pikë të plota.

Megjithatë me 50 pikë, Drita qëndron në krye të tabelës tani më kur janë zhvilluar 23 javë të Superligës së Kosovës në futboll.  /2LONLINE/