Drita mysafire e Llapit, Gjilani nikoqir i Prishtinës

Sot zhvillohen tri ndeshjet e javës së 21-të në Superligën e Kosovës në Futboll.

Skuadra gjilanase Drita do të jetë mysafire e Llapit, një ndeshje që zhvillohet në kryeqytet për shkak të punimeve në stadiumin “Zahir Pajaziti”.

Siç ka deklaruar kryetrajneri i Dritës, Zekirija Ramadani, do të japin gjithçka nga vetja për ta arritur synimin, që është trepikëshi dhe për të vazhduar drejt objektivit që kanë, e që është, mbrojtja e titullit kampion.

Skuadra tjetër gjilanase, SC Gjilani pret Prishtinën. Skuadra “kuq e bardh”, që po drejtohet nga trajneri Debatik Curri, në këtë edicion synon Evropën, andaj ndonëse e cilësojnë si ndeshje të vështirë, fitorja sipas tyre nuk ka alternativë tjetër.

Curri, shef i shtabit teknik të skuadrës gjilanase, ka kërkuar nga futbollistët e tij përqendrim maksimal, pasi që në këtë ndeshje mund të vendosin detajet. Fitorja sipas tij, është hap drejt objektivit që ka klubi e që është Evropa.

Në takimin e tretë ballafaqohen Ferizaj dhe Ballkani.

Të gjitha ndeshjet zhvillohen në orën 13:00. /2LONLINE/