Drita merr fitoren e radhës, Gjilani humb nga Malisheva

Derbi i javës së 31-të të Superligës së Kosovës në Futboll mes Dritës dhe Prishtinës i ka takuar skuadrës gjilanase e cila mori fitoren e radhës për të vazhduar të qëndrojë në kreun e tabelës dhe për të bërë edhe një hap më shumë drejt titullit kampion.

Fitorja minimale e Dritës (1:0), erdhi në minutë ne 81-të, përmes golit të shënuar nga Blerim Krasniqi. Pas kësaj fitore, FC Drita vazhdon ta kryesojë tabelën e klasifikimit por tani me 60 pikë, ndiqet pas nga Ballkani me 52 pikë, por që nuk e ka zhvilluar akoma ndeshjen e kësaj xhiroje.

Ndërsa, skuadra tjetër gjilanase, SC Gjilani, ndeshjen e javës së 31-të e ka zhvilluar si mysafire e Malishevës, një kundërshtare e drejtpërdrejt për pozitën që dërgon në gara evropiane dhe ka pësuar humbje me rezultat 3:1.

Kjo humbje, e ka larguar edhe më shumë skuadrën gjilanase nga objektivi që ka, pozita e tretë, aq më tepër kur skuadra e Malishevës nga e cila pësoi, përforcohet në këtë pozitë, tani me 49 pikë, pesë më shumë se Gjilani që ka 44 pikë dhe ndodhet në pozitën e pestë.

Edhe Prishtina, përkundër humbjes, ndodhet para Gjilanit, e katërta me  45 pikë.

Pra, mbesin javët e radhës, pesë sosh, që Gjilani të shpresojë, t’i arkëtojë pikët e duhura dhe kundërshtarët e drejtpërdrejt t’i humbasin ato,  për t’u arritur synimi që ka skuadra “kuqebardh” e Gjilanit. /2LONLINE/