Drita me fitore bindëse ecën tutje në gjysmëfinale të Kupës së Kosovës

Sot janë zhvilluar dy ndeshjet e fundit të çerekfinale të Kupës së Kosovës, ku Drita u ballafaqua me skuadrën Prishtina e Re dhe Prishtina me Vëllaznimin, e ku skuadra e Dritës dhe e Prishtinës me fitore të thella prej 4:0, që të dyja, kanë siguruar tutje kalimin në fazën gjysmëfinale.

Drita triumfoi me rezultat të lartë 4:0 ndaj Prishtinës së Re dhe golat u shënuan ngaa Rron Broja (7′), Kastriot Selmani (47′), Arb Manaj (59′) dhe Iljasa Zulfiu (88′).

Në ndeshjen tjetër po me të njëjtin rezultat ka fituar edhe Prishtina me golat e shënuar nga Najeeb Yakubu (17′), Dion Gallapeni (59′), Ron Raçi (70′) dhe Alban Shillova (82′).

Kështu, Drita dhe Prishtina kalojnë tutje sikurse edhe Llapi  (mundi Malishevën me rezultat 1:0) dhe Drenica (eliminoi Ferizajn me fitore 1:0 ), që kishin siguruan kualifikimin në fazën gjysmëfinale një ditë më parë.  /2LONLINE/