Drita e pafat, humb ndeshjen fare në fund

FC Drita ka pësuar humbje nga skuadra sllovene, NK Celje (2:3), në ndeshjen e parë të play-off-it të fazës nokaut në UEFA Conference League, ndeshje kjo që u zhvillua në stadiumin “Fadil Vokrri” në Prishtinë.

Ishte skuadra sllovene që i mbylli 45 minutat e para me avancim prej 2 me 0, por se, skuadra gjilanase  “bardh e kaltër”, në pjesëlojën e dytë u rikthye si është më së miri, duke barazuar rezultatin në 2:2 dhe kur u prit që kjo ndeshje të përfundojë pa fitues, në minutën e fundit të shtesës (90’+4), sllovenet shënuan golin e fitores.

Gjithsesi, ishte një paraqitje e mirë e skuadrës gjilanase e cila pritet që në ndeshjen e kthimit ta gjej fuqinë për një rezultat pozitiv, për një fitore që do ta dërgonte atë tutje në garën e UEFA Conference League, që do të ishte suksesi më i madh i një klubi kosovar.

Përndryshe, në takimin e sotëm FC Drita – NK Celje, golat i shënuan:

Për Dritën: Blerim Krasniqi 59′ dhe ‘Liridon Balaj 75’.

Për Celje: Armandas Kučys 19′,  Milot Avdyli 41′ dhe Matej Poplatnik 90’+4.   /2LONLINE/