Drita humb miqësoren e parë

Kampionia aktuale e Kosovës në futboll, FC Drita, e cila ndodhet në Antalia të Turqisë për fazën përgatitore, ka parapararë edhe disa ndeshje kontrolluese me skuadra të ndryshëm

Sot skuadra “bardh e kaltër”, e ka zhvilluar miqësoren e parë ndaj FC Vasas, të cilën e ka humbur me rezultat 1:2.

Përndryshe, skuadra gjilanase ka paraparë edhe miqësore tjera si me FC Dobruzhda, FC Altai dhe MFK Michalovce, transmeton Portali 2LONLINE.

Ndërkohë, tashmë dihet se ndeshja e Superkupës në mes të FC Drita, kampione e Kosovës dhe FC Prishtina, fituesja e Kupës së Kosovës për edicionin 2024/25, do të luhet në stadiumin “Mardan Palace” në Antalia, pasi që të dyja këto skuadra janë të angazhuara në fazën përgatitore dimërore deri më 30 janar 2026, në Antalia.

Kujtojmë se ndeshja e Superkupës së Kosovës do të zhvillohet më 25 janar 2026 (e diel), me fillim nga ora 14:30, sipas orës lokale të Turqisë (12:30 sipas kohës në Kosovë).  /2LONLINE/