Drita fiton Superkupën

Kampionia aktuale e Superligës së Kosovës në Futboll, FC Drita, po vazhdon tutje rrugëtimin e saj të suksesshëm dhe në vitrinat e saj do ta vendos edhe Superkupën e Kosovës, pasi ajo sot mundi FC Prishtinën me rezultat 2;1, transmeton Portali 2LONLINE.

Golat për Dritën i shënuan Blerim Krasniqi e Kristal Abazaj, derisa për Prishtinën shënoi Leotrim Kryeziu.

Prishtina luajti me një lojtar më pak, nga fundi i pjesë së parë, për shkak të ndëshkimit të lojtarit të tyre. Harun Karic, me të kuq.

Ndeshja u luajte në stadiumin “Mardan Palace” në Antalia, ku u përballën pra, FC Drita, si kampione e Kosovës dhe FC Prishtina, si fituesja e Kupës së Kosovës për edicionin 2024/25, ndërsa përcaktimi i vendit ku u luajt ky takim ishte vendim i Komitetit Ekzekutiv të Federatës së Futbollit të Kosovë, pasi që të dyja këto skuadra, fazën përgatitore janë duke e zhvilluar në Antalia.

Kujtojmë edhe se, FC Drita, përveç garën në Superligë, do të vazhdojë garat tutje edhe në fazën e Play-Off-it të UEFA Conference League, ku skuadra “bardh e kaltër”, do të përballet me skuadrën NK Celje nga Sllovenia.  /2LONLINE/