Drita ende nuk e ka zyrtarizuar, por Faton Maloku udhëton me klubin në Bullgari

Edhe pse Kf.Drita nuk e ka zyrtarizuar transferimin e portierit gjilanas, Faton Maloku, sikur lojtarët e tjerë, duket se kjo punë tashmë është e kryer.

Ish-gardiani i Përfaqësueses së Kosovës ka ‘firmosur’ për një vit me klubin e Dritës dhe  tashmë palët kanë arritur marrëveshje një vjeçare, ndërkohë prezantimi është çështje ditësh.

Një fakt që e mbështet transferimin e tij është se Maloku ka udhëtuar sot me Dritën në Bullgari për fazën e dytë përgatitore.

Ai ishte pjesë e fotografisë së përbashkët të klubit të publikuar nga faqja zyrtare e Dritës.

28 vjeçari bëhet ‘gardiani’ i dytë me të cilin FC Drita arrin marrëveshje këtë afat kalimtarë, pas ‘gardianit’ maqedonas Darko Tofiloski.