Drita e përmbyll edicionin me fitore, Gjilani me barazim

FC Drita, që ka fituar titullin kampion në elitën e futbollit kosovar, edicionin e përmbylli me fitore duke mundur Feronikelin 74, me rezultat 4:1, një ndeshje, epilogu i të cilës nuk pati fare rëndësi për bardhekaltërtit, të cilët, javë më parë kishin siguruar pikët e mjaftueshme për titull kampioni.

Ndërkohë, skuadra tjetër gjilanase, SC Gjilani, e cila “guxoi” për pak ta ëndërronte Evropën, por që kjo ëndërr varej nga kjo javë, i duhej të fitonte në Ferizaj, me kushtin që Malisheva të humbte në Prishtinë, gjë që nuk ndodhi, as Gjilani nuk fitoi, e as Malisheva nuk humbi, por që të dyja këto takime përfunduan baras (Ferizaj – Gjilani 2:2 dhe Prishtina – Malisheva 2:2), transmeton Portali 2LONLINE.com.

Në ndeshjet tjera u arritën këto rezultate: Llapi – Dukagjini 3:1, dhe Suhareka – Ballkani 2:2.

Kështu FC Drita kampione, do të luaj në kualifikimet për Champions League, Prishtina, fituese e Kupës së Kosovës, do të luajë në kualifikimet për Europa UEFA League, derisa në Conference League do të luajnë Ballkani dhe Malisheva.

Feronikeli e Suhareka biejnë nga liga, ndërsa Llapi në barazh. /2LONLINE/