Drita e nis mbarë stinorin pranveror, mundi Malishevën

FC Drita e ka nisur mbarë stinorin pranveror në Albi Mall Superligën e Kosovës në Futboll, pasi në xhiron e 19-të, ka regjistruar fitoren e radhës.

Kësaj here, Drita, lidere e tabelës së klasifikimit, ka mundur Malishevën me rezultat 2 me 0, me golat e shënuar nga Besnik Krasniqi në minutat  61  e 78’.

Kështu Drita mund të thuhet se po rrugëton me hapa të duhur drejt titullit pasi me fitore po e përforcon edhe më shumë veten në vendin e parë në tabelë, aktualisht ka 43 pikë.

Përndryshe, skudra që po e ndjek pas liderin, është Ballkani që edhe ajo startoi stinorin me fitore, ndonëse në sekondat e fundit të takimit, Ballkani mori fitore ndaj Dukagjinit dhe tani ka 36 pikë.

Përndryshe, skuadra tjetër gjilanase që bënë gara në Superligë, SC Gjilani, ndeshjen e javës së 19-të, të parën në stinorin pranveror, e zhvilloin nesër, është mysafire e Llapit.   /2LONLINE/