Drita e nis mbarë play-off-in, fiton ndeshjen e parë ndaj Golden Eagle Theranda

Skuadra gjilanase e volejbollit, KV Drita (M) e ka nisur në mënyrën më të mirë fazën e play off-it, në çerekfinalen e parë të Raiffeisen Superligës A – Meshkujt, pasi djelmoshat e skuadrës “bardh e kaltër” i kanë mposhtur ata të skuadrës Golden Eagle Theranda, edhe atë me rezultat të pastër 3-0. Rezultati në sete: 25/14, 25/21, 25/15, transmetom 2LONLINE.

Ndeshja u zhvillua në Kamenicë, për shkak të renovimit të palestrës në Gjilan e ku Drita dominoi takimin nga fillimi deri në fund, duke  bërë një hap të rëndësishëm drejt kualifikimit në gjysmëfinale.

Ndeshja e dytë e çerekfinales do të përcaktojë nëse Drita do të sigurojë menjëherë kalimin tutje, apo nëse Golden Eagle Theranda do të arrijë ta barazojë serinë.

Përndryshe, drejtuesit e klubit gjilanas vlerësuan se kjo ndeshje e sontme, ishte një paraqitje e fortë ku Drita dominojë plotësisht dhe arriti fitore të pastër 3-0 në sete, duke dhënë një mesazh të qartë për ambiciet  që ka, transmeton 2LONLINE.

“Ekipi tregoi karakter, disiplinë dhe uri për fitore nga pika e parë deri në fund. Ky është vetëm hapi i parë pasi puna nuk ka mbaruar ende. Në fundjavë na pret edhe ndeshja e kthimit, ku me një fitore tjetër sigurojmë kualifikimin në gjysmëfinale. Fokusi mbetet i njëjtë, përulësi, përkushtim dhe luftë deri në pikën e fundit. Kemi treguar se çfarë jemi të aftë të bëjmë, tani është koha ta konfirmojmë”, thuhet në njoftimi ne klubit gjilanas.  /2LONLINE/