Drita e Gjilani fitojnë pikë të rëndësishme në javën e 25-të, pozicionohen në pozitat dy e tre në tabelë

Dy skuadrat gjilanase, që bëjnë gara në elitën e futbollit kosovar, FC Drita dhe SC Gjilani kanë shënuar fitore dhe kanë arkëtuar pikë të rëndësishme në ndeshjet e tyre të javës së 25-të të Superligës së Kosovës në Futboll.

Drita, si vendëse ka mundur Dukagjinin me rezultat 2 me 1, derisa Gjilani si mysafire ka dal triumfuese ndaj Llapit, rezultati i takimit 2:3.

Këto pikë të arkëtuara si për njërën, si për skuadrën tjetër, kanë qenë mjaftë të rëndësishme. Drita, që synim ka mbrojtjen e titullit kampion, është në kuotën e 45 pikëve, pozicionohet në pozitën e dytë, por me pikë të barabarta si lideri aktual, Ballkani.

Ndërkohë, për Gjilanin që synim ka Evropën, kjo fitore e madhe dhe tri pikët e arkëtuara janë tejet me vlerë për faktin se tani e pozicionojnë në pozitën e tretë në tabelë, me 39 pikë, fal edhe dështimit në këtë xhiro të skuadrave kundërshtare me synim të njëjtë në këtë rrugëtim, siç është Prishtina, Malisheva e Dukagjini, transmeton 2LONLINE.com.

Përndryshe, kur jemi te takimet e sotme, Drita mundi Dukagjinin 2:1. Golashënues për Dritën: Besnik Krasniqi e Veton Tusha derisa për Dukagjinin shënoi Hekuran Berisha.

Ndërsa, Ndeshja Llapi – Gjilani përfundoi 2:3. Golashënues për Gjilanin: Oltion Bilalli, Senad Jaroviq dhe Blerind Morina, derisa për Llapin shënuan: Edon Sadriu dhe Muhamed Hyseni.  /2LONLINE/