Drita e fiton përballjen e dytë, do të luhet ndeshja e tretë vendimtare

Djelmoshat e Klubit të Volejbollit Drita kanë shënuar fitore në përballje të dytë ndaj skuadrës së Ferizajt, 3 me 1 në sete, duke barazuar kështu serinë në 1 me 1, për të siguruar zhvillimin e ndeshjes së tretë që do të jetë vendimtare për atë se kush do të shkojë në finale.

Në një ndeshje të luajtur sonte në Palestrën Sportive në Kamenicë, skuadra e Dritës tregoi karakter, forcë dhe shpirt gare duke shënuar një fitore shumë të rëndësishme dhe se pas këtij barazimi tani gjithçka mbetet e hapur dhe se finalisti do të vendoset në përballjen e tretë.

Raiffeisen Superliga A – Meshkujt
Play-Off | Gjysmëfinalja 2
Drita 3-1 Ferizaj
25/21, 26/28, 25/20, 25/20

Përndryshe, drejtuesit e klubit gjilanas  thonë se KV Drita dha gjithçka në parket, ndërsa përkrahja e jashtëzakonshme nga tribunat ishte një shtysë e madhe drejt kësaj fitoreje të merituar.

“Tani gjithçka do të vendoset në ndeshjen e tretë vendimtare, e cila do të zhvillohet në Ferizaj. Faleminderit të gjithëve për mbështetjen, vazhdojmë të bashkuar drejt qëllimit tonë”, thuhet në njoftimin e klubit “bardh e kaltër”, që synim ka titullin.  /2LONLINE/