Drita e fiton ndeshjen e parë të ‘Play-off-it’

Kampioni i Kosovës, FC Drita ka mundur skuadrën Differdange 03 nga Luksemburgu në ndeshjen e parë të ‘Play-off-it’ në Ligën e Konferencës.

Gjilanasit përmes Albert Dabiqajt në minutën e 30-të kaluan në epërsi prej 1-0, ndërkohë që Differange përmes futbollistit Andreas Buch, në minutën e 65-të, ka barazuar shifrat në 1-1.

Por, Drita sërish u kthye te rezultati pozitiv pasi Besnik Krasniqi, në minutën e 80-të, ka shënuar nga penalltia.

Rezultati 2-1, doli të ishte epilogu final i këtij takimi i luajtur në stadiumin “Fadil Vokrri” në Prishtinë, derisa ndeshja e kthimit, do të luhet pas një jave në Luksemburg. /2LONLINE/