Drita dhe Gjilani mësojnë kundërshtarët e Kupës

(2L ONLINE) – Sot është bërë tërheqja e shortit për rrethin e parë të Digitalb Kupës së Kosovës në futboll. Ndeshjet e këtij rrethi do të zhvillohen gjatë mesjavës së ardhshme (të martën e të mërkurën).

Drita për rival do ta ketë Vllazninë e Pozhoranit që bënë gara në Ligën e Parë, deri sa Gjilani do të përballet me KEK-un, kundërshtar të cilin do ta ketë edhe këtë vikend në ligë.

Krahas objektivave në ligë, Drita dhe Gjilani lëshohen edhe në aventurat e Kupës. Në mesjavën e ardhshme priten të zhvillohen ndeshjet e para të rrethit të parë, ndërkohë që dy skuadrat gjilanase i kanë mësuar emrat e kundërshtarëve.

Drita që trofeun e Kupës për herë të fundit e kishte shijuar në sezonin 2000/01 në finalen ndaj rivalit lokal Gjilani, do ti bëj “konak” një tjetër fqinji, kësaj here Vllaznisë së Pozhoranit. Skuadër ketë që e kishte mposhtur në kuadër të çerekfinales sezonin e shkuar me shifra bindëse, 8:0.

Gjilani që e ngriti trofeun e parë pas luftës së fundit në Kosovë 1999/00 në finale ndaj Besianës (1:0), do të udhëtojë në Obiliq për tu përballur me KEK-un, rival këtë që e pret këtë fundjavë në kuadër të javës së fundit në Ligën e Parë. Gjilani gjithashtu ishte edhe në finale të Kupës në vitin 2001 dhe 2002 por në dy herët u mposht nga Drita (8:7 pas penaltive) dhe Besiana (2:1).

E mërkurë, 26.11.2014. Ora 13.00

Drita – Vllaznia (P)
KEK-u – Gjilani

/Drilon SYLEJMANI/ 2L ONLINE/

Foto nga përballja ndërmjet Dritës dhe Gjilanit sezonin e shkuar në Kupë