Drita bënë edhe një hap tutje drejt stolisjes me titullin kampion

Derbi i javës së 24-të të Albi Mall Superligës së Kosovës në futboll në mes të Dritës dhe Ballkanit, përkatësisht të parit dhe të dytit në tabelë, i ka takuar skuadrës bardh e kaltër nga Gjilani.

Djelmoshat e udhëhequr nga trajneri Zekirija Ramadani dominuan këtë derbi dhe me rezultat 2:0, përmbyllën lojën në favor të tyre duke arkëtuar tri pikë të mëdha në garën për titullin e kampionit.

Kjo fitore e Dritës është e vlefshme edhe për faktin se u shënuan ndaj ndjekësit më tëafërt për titull, Ballkanit.

Kur jemi te dueli i sotëm, ishte Veton Tusha, ai që në minutën e 77-të, shënoi për epërsinë e Dritës, derisa Kastriot Selmani vulosi fitoren me golin e dytë në minutën e 89-të.

Ballkani luajti me një lojtar më pak nga minuta e 64-t, pasi Gentrit Halili u ndëshkua me karton të kuq.

Drita tani përforcon kreun e tabelës me plotë 53 pikë, 13 më shumë se Ballkani i dyti.  /2LONLINE/