Drejtuesit e Vetëvendosjes presin në takim kryetaren e Kuvendit Komunal të Glattbrug të Zurich-ut

Drejtuesit e Vetëvendosjes presin në takim kryetaren e Kuvendit Komunal të Glattbrug të Zurich-ut

Kryetari i Vetëvendosjes, Qendra në Gjilan, Nevzad Isufi, bashkë me asamblistët komunal ka pritur në selinë e këtij subjekti politik, në një takim miqësor, Qëndresa Sadriu, Kryetare e Kuvendit Komunal të Glattbrug të Zurich.

Qëndresa Sadriu është 24 vjeçare, anëtare e partisë socialdemokrate SP. Pas Zgjedhjeve të fundit komunale ajo fitoi një ulëse në Kuvendin Komunal të Glattbrug e më pas u zgjodh Kryetare e Kuvendit. Në ndërkohë ajo mban edhe pozitën e deputetes kantonale të Zurich.

Takimi u fokusua më shumë mbi funksionimin e Kuvendit komunal, shkëmbimin e përvojave dhe mundësitë e bashkëpunimit në të ardhmen si dhe një varg çështjesh me rëndësi reciproke.

“Ndërsa në fund u pajtuam se duhet një gjeneratë e re në qeverisjen e vendit dhe një mentalitet tërësisht i ri i politikëbërjes, në mënyrë që komuna e Gjilanit dhe Kosova të ecin drejt zhvillimit ekonomik e në fokus të veçantë punësimin e të rinjve”, thuhet në komunikatën e lëshuar nga Zyra për informim e Lëvizjes Vetëvendosje, Qendra në Gjilan.

KOMENTE