Drejtuesit e Universitetit “Kadri Zeka kanë pritur në një takim udhëheqjen komunale të Vitisë

/2L ONLINE/ – Drejtuesit e Universitetit “Kadri Zeka” në Gjilan kanë pritur në një takim kryetarin e komunës së Vitisë, Sokol Haliti, drejtorin komunal për arsim Qahil Sinani dhe bashkëpunëtorë tjerë . Gjatë këtij takimi, Sadik Haxhiu, Prorektor për Çështje Mësimorë në Universitetin “Kadri Zeka”, fillimisht ka informuar kryetarin Haliti për organizimin, punën dhe funksionimin e universitetit.

Prorektori Sadik Haxhiu ka thënë se si universitet jemi të hapur për bashkëpunime në fusha të ndryshme, duke ritheksuar rëndësinë e universitetit sa i përket dijes dhe shkencës .

Nga ana tjetër kryetari I Vitisë , Sokol Haliti ka falënderuar prorektorin Haxhiu për pritjen e ngrohtë që I është bërë. Ai tha se Universiteti gjithmonë do ta ketë mbështetjen e Komunës së Vitisë dhe si komunë do të jenë të gatshëm për çfarëdo bashkëpunimi. /2L ONLINE/