Drejtoria për Pronë, Kadastër dhe Gjeodezi monitoron në terren procesin e rindërtimit të Kadastrit
Drejtoresha e Drejtorisë për Pronë, Kadastër dhe Gjeodezi, Burbuqe Leka, së bashku me udhëheqësin e Gjeodezisë, Ramush Ismaili, dhe zyrtarin Eshtref Keka, kanë realizuar një vizitë pune në zyrat ku ka filluar procesi i rindërtimit të Kadastrit në pesë zona kadastrale.
Gjatë vizitës, nga afër janë parë punimet që po zhvillohen, ndërsa zyrtarët kanë ofruar këshilla dhe udhëzime për punëtorët e angazhuar, me qëllim që procesi të zhvillohet në mënyrë sa më efikase dhe funksionale.
“Drejtoria e Pronës, Kadastërit dhe Gjeodezisë mbetet e përkushtuar që ky projekt të realizohet me sukses dhe në përputhje me standardet e kërkuara prandaj edhe ftohen të gjithë qytetarët që të shfrytëzojnë këtë mundësi dhe të përfitojnë nga ky projekt i rëndësishëm për rregullimin dhe përditësimin e të dhënave kadastrale”, ka thënë Drejtoresha Leka. /2LONLINE/