Drejtoria Komunale e Arsimit mban takim me drejtorët e shkollave në Kamenicë

Drejtori i Drejtorisë Komunale të Arsimit, në Komunën e Kamenicës, Selami Klaiqi, së bashku me stafin e drejtorisë, ka zhvilluar një takim me drejtorët e të gjitha shkollave në Komunën e Kamenicës.

Temë kryesore e këtij takimi ishin përgatitjet për fillimin e mësimit tërëditor, me fokus në organizimin dhe koordinimin e aktiviteteve nëpër institucionet arsimore.

Po ashtu, gjatë takimit u diskutua edhe për procesin e digjitalizimit të të gjitha shërbimeve në shkolla, me synim modernizimin e administratës shkollore dhe lehtësimin e ofrimit të shërbimeve për nxënësit, prindërit dhe stafin arsimor.

Drejtori Klaiqi theksoi rëndësinë e bashkëpunimit ndërmjet drejtorive shkollore dhe Drejtorisë Komunale të Arsimit për të siguruar një fillim sa më të suksesshëm të procesit mësimor dhe avancimin e shërbimeve arsimore në komunë.  /2LONLINE/