Drejtoria e Bujqësisë vendos tabela për parandalimin e dëmtimit të pyjeve!

/2L ONLINE/ – Drejtoria për Bujqësi dhe Zhvillim Rural në Viti, ka vendosur tabelat për vetëdijesimin dhe parandalimin e dëmtimit të pyjeve në territorin e kësaj komune. Drejtori i Drejtorisë për Bujqësi, Pylltari dhe Zhvillim Rural Veton Ademi me punëtor të kësaj drejtorie, kanë vendosur tabelat në rrugicat malore përmes së cilave bëhet e ditur sanksionimet për prerësit ilegal, por edhe për dëmet që mund ti shkaktohen natyrës nga zhdukja e pyjeve. Ai bëri me dije se vendosja e tabelave në fjalë është në kuadër të planit të veprimit për mbrojtjen e pyjeve për këtë vit. /2L ONLINE/