Drejtoria e Arsimit dhe Qendra e Shëndetit Mendor me marrëveshje bashkëpunimi

Sot drejtoresha e Drejtorisë Komunale të Arsimit (DKA), në Gjilan, Albana Demiri nënshkroi marrëveshje bashkëpunimi me Qendrën e Shëndetit Mendor në Gjilan, e cila udhëhiqet nga Dr. Afrim Cana, Psikiatër, dhe përbëhet nga një ekipë profesionale të shërbimeve të shëndetit mendor.

Drejtoresha Demiri ka bërë me dije se në marrëveshje u dakorduan që në shkollat tona të ofrohen shërbime të tilla si:

– Rëndësia dhe kujdesi ndaj shëndetit mendor;

– Shmangia e stigmatizimit për problemet e shëndetit mendor;

– Parandalimi i çrregullimeve mendore nëpërmjet intervenimit të hershëm, si dhe

– Parandalimin e delikuencës dhe dukurive tjera negative.

Për stafin e mësimdhënësve:

– Kujdesi për shëndetin mendor në vendin e punës e njohur si “Burnout”;

– Këshillime grupore për stafin para pensional rreth tejkalimit sa më të lehtë të kësaj faze;

– Teknika meditimi për një higjienë më të mirë mentale në punë dhe në jetën e përditshme, si dhe

– Parandalimin e Mobing-ut mes kolegëve të punës.

“Këto shërbime do të jenë të rregullta dhe sipas nevojës së shkollave”, ka bërë me dije drejtoresha e DKA-së, Albana Demiri. /2LONLINE/