Drejtoria e Administratës do të ofrojë shërbime edhe të shtunave për mërgimtarët

Me qëllim të pajisjes së bashkatdhetarëve me dokumente të gjendjes civile, gjatë pushimeve në Komunën e Gjilanit, Drejtoria e Administratës, ka zgjatur orarin e punës, që do të aplikohet nga data 5 korrik e deri më 30 gusht.

Qytetarët mund të pajisen me dokumente edhe të shtunave, nga ora 10:00 deri në 14:00.

Drejtoresha e Administratës në Komunën e Gjilanit, Arbenita Sopi Haziri tha se në kuadër të përgatitjeve për pritjen e bashkatdhetarëve edhe këtë vit, Drejtoria e Administratës ka zgjatur orarin e punës, që do të zbatohet nga data 5 korrik deri më 30 gusht”, tha Sopi Haziri.

Drejtoresha e Administratës, theksoi se gjatë kësaj periudhe, do të ofrojnë shërbime edhe të shtunave, nga ora 10:00 deri në 14:00.

“Të dashur bashkatdhetarë, mirë se vini në Gjilan.. Ju mirëpresim bashkë me stafin e Administratës në Gjilan. Pushime të këndshme në vendlindje”, tha drejtoresha Sopi Haziri.  /2LONLINE/