Drejtori Shabani: Fokus mbetet përmirësimi e menaxhimi i dokumentacionit dhe arkivave komunale

Drejtori i Drejtorisë së Administratës, në Komunën e Gjilanit, Elbasan Shabani dhe drejtoresha për Gjeodezi, Kadastër dhe Pronë, Eljesa Rashiti, , gjatë një takimi në një frymë bashkëpunimi dhe koordinimi institucional, në fokus kishin përmirësimin e menaxhimit të dokumentacionit dhe arkivave komunale.

Sipas drejtorit Shabani, gjatë diskutimit me iniciativë të përbashkët u dakorduan për nevojën e formimit të një komisioni të posaçëm për arkivat komunale, i cili do të merret me evidentimin klasifikimin dhe sistemimin e materialeve arkivore, në mënyrë profesionale dhe në përputhje me standardet dhe legjislacionin në fuqi.

“Po ashtu u theksua rëndësia që dokumentet dhe materialet që nuk kanë më vlerë administrative apo ligjore, të trajtohen në mënyrë të rregullt përmes procedurave të parashikuara për asgjësimin e tyre”, tha drejtori i Administratës.  /2LONLINE/