Drejtori Rexhepi takon Këshilltarët për Karrierë të shkollave të mesme të larta

Drejtori i Drejtorisë Komunale të Arsimit, Jeton Rexhepi, zhvilloi një takim informues dhe koordinues me disa nga Këshilltarët për Karrierë të shkollave të mesme të larta.

Rexhepi bëri me dije se qëllimi i këtij takimi ishte koordinimi i aktiviteteve të përbashkëta në mbështetje të maturantëve, me fokus të veçantë orientimin e tyre në karrierë dhe informimin për mundësitë arsimore dhe profesionale pas përfundimit të arsimit të mesëm.

“Roli dhe detyrat e Këshilltarit për Karrierë në shkolla, si bashkëpunëtor profesional, paraqesin një komponent të rëndësishëm në mbështetjen dhe orientimin e nxënësve në procesin e planifikimit të së ardhmes së tyre akademike dhe profesionale”, tha ai, transmeton 2LONLINE.

Sipas drjetorit të DKA-së, ërmes këshillimit profesional dhe aktiviteteve orientuese, ata ndihmojnë nxënësit në identifikimin e interesave, aftësive dhe potencialit të tyre, duke kontribuar në marrjen e vendimeve të informuara për rrugëtimin e tyre arsimor dhe profesional.

“Drejtoria Komunale e Arsimit në Gjilan mbetet e përkushtuar në fuqizimin e bashkëpunimit dhe mbështetjen e vazhdueshme të shërbimeve profesionale në shkolla, me synim rritjen e cilësisë së procesit arsimor dhe përmirësimin e rezultateve edukativo-arsimore”, ka thënë Jeton Rexhepi drejtor i Drejtorisë Komunale të Arsimit në Gjilan.  /2LONLINE/