Drejtori Pira vizitoi qendrat grumbulluese të grurit

Drejtori për Bujqësi, Pylltari dhe Zhvillim Rural, në Komunën e Vitisë,  Naim Pira, së bashku me bashkëpunëtorët e tij, vizitoi sot qendrat grumbulluese të grurit në Vitin dhe Kllokot.

Gjatë vizitës, ai u njoftua me rendimentet e sivjetme, procesin e grumbullimit dhe çmimet aktuale të grurit.

Me këtë rast, drejtori Pira vlerësoi angazhimin e fermerëve, ndërsa theksoi se çmimet aktuale të grumbullimit nuk janë të favorshme dhe nuk i mbulojnë në masën e duhur kostot e prodhimit.

Ai ritheksoi gatishmërinë e Drejtorisë për Bujqësi që të vazhdojë mbështetjen dhe përkrahjen e fermerëve të Komunës së Vitisë. /2LONLINE/