Drejtori Klaiqi: Trajtimi dinjitoz i nxënësve do të jetë parim i panegociueshëm për institucionet arsimore

Drejtori i Drejtorisë Komunale të Arsimit në Kamenicë, Selami Klaiqi në kuadër të angazhimeve të tij në krye të Drejtorisë Komunale të Arsimit, ka realizuar vizita në të gjitha shkollat e komunës gjatë 30 ditëve të para të mandatit.

Së bashku me stafin e DKA-së, Klaiqi theksoi se çdo vizitë në shkolla përfaqëson shpresë për të ardhmen, duke parë nga afër përkushtimin e mësimdhënësve, energjinë e nxënësve dhe punën e palodhshme të personelit arsimor.

Ai nënvizoi se trajtimi dinjitoz i nxënësve do të jetë një parim i panegociueshëm për institucionet arsimore. Sipas tij arsimi mbetet prioritet i vazhdueshëm edhe i Kryetarit Kadri Rahimaj.

Drejtori Klaiqi ka theksuar se gjatë kësaj periudhe në secilën shkollë të Komunës së Kamenicës janë ofruar shërbime dhe mbështetje konkrete për nxënësit përfshirë:

• Psikologun e shkollës

• Pedagogun e shkollës

• Mësuese mbështetëse

• Asistente për fëmijë me nevoja të veçanta arsimore

• Logoped

• Zyrtar administrativ

Po ashtu ai theksoi se prioritet mbetet mësimi tërëditor dhe sigurimi i ushqimit të shëndetshëm për çdo nxënës.

“Së bashku, po ndërtojmë të ardhmen,” ka theksuar drejtori Klaiqi. /2LONLINE/