Drejtori Klaiqi nis vizitat në terren me fokus në përmirësimin e arsimit
Drejtori i Drejtorisë Komunale të Arsimit, në Komunën e Kamenicës, Selami Klaiqi, ka nisur vizitat në terren pas marrjes së mandatit.
Vizitën e tij të parë e realizoi në ShFMU “Skënderbeu” në Hogosht përkatësisht në paralelen e ndarë në Kopërnicë.
Gjatë kësaj vizite ai u takua me drejtorin e shkollës dhe me mësimdhënësit me të cilët diskutoi për sfidat aktuale, prioritetet dhe përmirësimin e cilësisë në arsim.
Kujtojmë se Drejtori Klaiqi ka udhëhequr Gjimnazin “Ismail Qemali” për katër vite. Ai është shprehur i përkushtuar që në detyrën e tij të re të vazhdojë projektet ekzistuese në arsim, dhe të iniciojë projekte të tjera inovative në të mirë të nxënësve, mësimdhënësve dhe prindërve të komunës sonë. /2LONLINE/